کابل؛ د کيک بوکسينګ داورانو ته د داوري د قوانینو زده کړې لومړى پړاو سمينار پيل شو

org_admin
یکشنبه ۱۴۰۲/۳/۲۸ - ۱۵:۳۴
کابل؛ د کيک بوکسينګ داورانو ته د داوري د قوانینو زده کړې لومړى پړاو سمينار پيل شو

په پلازمېنه کابل کې د بدني روزنې او ورزش عمومي رياست د سوک وهنې ملي فدراسیون په تمريناتي ځاى کې د کيک بوکسينګ داورانو ته د دواوري د قوانینو پوهاوي پر اړه لومړى پړاو سمينار پيل شو.

د دغه سمينار د پيل په مراسمو کې د المپیک ملي کمېټې او سپورټ عمومي رئيس الحاج مولوي عبدالودود حقاني او د کيک بوکس فدراسیون مسوولينو ګډون درلود.

د المپيک ملي کمېټې او سپورټ عمومي رئيس الحاج مولوي عبدالودود حقاني د ياد سمينار د پيل په مراسمو کې د کيک بوکس فدراسیون داورانو ته په خبرو کې وويل: په سمينار کې بايد داورانو ته د معيار پر اساس هدف ته د رسېدو لارښوونه او زده کړې ورکړل شي.

ښاغلي حقاني زياته کړه د ورزش معيار تعليم او تربيه ده، چې په دې سره په اساني هدف هم ترلاسه کېداى شي.

د کيک بوکسينګ داورانو ته د داوري قوانینو دغه سمينار د بلجيم واکو ملي لوبډلې ترينر او بين المللي داور فرهاد اميري له لوري تدريس کيږي، چې د پلازمېنې کابل د ټولو کلبونو او ١٨ ولايتونو تر سلو زيات داوران پکې برخه لري.

ټاکل شوې دغه سمينار به دوه ورځې دوام وکړي.

تازه خبرونه

جمعه ۱۴۰۴/۱/۱۵ - ۰:۹
Background image

لوګر؛ مرکز پل علم ښار کې د ٣٠ لوبډلو ترمنځ د والیبال سیالۍ پای ته ورسېدې

د لوګر ولایت د بدني روزنې او ورزش آمریت اړوند د والیبال فدراسیون د استازولۍ له لوري د ياد ولايت مرکز پل علم ښار کې د ٣٠ لوبډلو ترمنځ د والیبال سیالۍ د الیاس خان بابا لوبډلې په اتلولي. . .

جمعه ۱۴۰۴/۱/۱۵ - ۰:۶
Background image

زابل؛ شاجوی ولسوالۍ کې د ٦٦ ورزشکارانو ترمنځ د ځغاستې سیالۍ ترسره شوې

د زابل ولایت د بدني روزنې او ورزش آمریت اړوند د اتلتیک فدراسیون د استازولۍ له لوري د ياد ولايت په شاجوی ولسوالۍ کې له دوو کلبونو د ٦٦ ورزشکارانو ترمنځ د ځغاستې سیالۍ ترسره شوې.

په دغو. . .

جمعه ۱۴۰۴/۱/۱۵ - ۰:۵
Background image

زابل؛ شاجوی ولسوالۍ کې د ٦٠ پهلوانانو ترمنځ د غېږ نیونې سیالۍ ترسره شوې

د زابل ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د ياد ولايت په شاجوی ولسوالۍ کې د ٦٠ پهلوانانو ترمنځ د سیمه ییزې غېږ نیونې سیالۍ ترسره شوې.

په دغو. . .

BACK TO NEWS