کابل؛ د څلورم زون د ٢٤ کلبونو ترمنځ د سوکوهنې سیالۍ پیل شوې
په پلازمېنه کابل کې د بدني روزنې او ورزش عمومي ریاست د سوک وهنې ملي فدراسیون په تمريناتي ځاى کې د کابل ښار څلورم زون د ٢٤ کلبونو د ۱۱۵ ورزشکارانو ترمنځ د سوکوهنې سیالۍ پیل شوې.
په دغو سياليو کې د کوچنيانو عمري کټګورۍ د ١٢، ١٣ او ١٤ کلونو ورزشکاران ګډون لري چې درې ورځې به دوام وکړي.
د یاد سياليو موخه چې د کم عمره ورزشکارانو هڅول دي، د پیل په مراسمو کې يې د بدني روزنې او ورزش عمومي ریاست د د پلان او ستراتيژۍ ارشد مشاور مولوي ګلاب الدین خپلواک، د سياليو دايرولو امر عزيز الرحمن ملنګ او د سوک وهنې فدراسيون استازو ګډون درلود.