کابل؛ د هېواد فوټسال کمېټې، فوټبال ملي فدراسیون او ابن سینا پوهنتون ترمنځ هوکړه لیک لاسلیک شو
د ابن سینا پوهنتون له لوري د فوټسال کمېټې ورزشکارانو او کارکوونکو ته د لوړو زده کړو برابرول په پار له ۴۰ سلنه تخفیف سره د هېواد فوټسال کمېټې، فوټبال ملي فدراسیون او ابن سینا پوهنتون ترمنځ هوکړه لیک لاسلیک شو.
په دغه هوکړه لیک کې پر لیسانس او ماسټرۍ سربېره لنډ مهاله کورسونه، چې له هغې ډلې ورزشي ټولنپېژندنه، ورزشي ارواپوهنه او ورزشي اقتصاد شامل دي، ورزشکارانو ته تدریس کېږي.
په دغه هوکړه لیک کې د هېواد فوټبال ملي فدراسیون فوټسال کمېټې رهبري، ابن سینا پوهنتون استازو، ورزشکارانو او زیات شمېر مېلمنو ګډون کړی وو.
د هېواد فوټبال ملي فدراسیون فوټسال کمېټې مسوولینو د ابن سینا پوهنتون له لوري د فوټسال ورزشکارانو ته د تحصیل په برخه کې د تخفیف په ورکولو خوښي څرګنده کړه او له خصوصي سکتورونو څخه یې د ورزش ودې په موخه د لا زیاتو مرستو غوښتنه وکړه.
