کابل؛ د هېواد د پارالمپیک ملي کمېټې د وزن پورته کولو څلور کسیزه لوبډله د دوبۍ په نړیوالو سیالیو کې د ګډون په موخه متحده عربي اماراتو ته ولاړه
د هېواد د پارالمپیک د ملي کمېټې د وزن پورته کولو څلور کسیزه ډله د هېواد د بدني روزنې او سپورټ د عمومي ریاست په همکارۍ د فضا دوبۍ په نړیوالو سیالیو کې د ګډون په موخه متحده عربي اماراتو ته ولاړه.
په دې سیالیو کې، چې د متحده عربي اماراتو د دوبۍ ښار په کوربتوب به د ۸ ورځو لپاره ترسره شي، له افغانستان څخه دوو لوبغاړو، یوه روزونکي او یوه پلاوي برخه اخیستې وه.
د دغې لوبډلې د خدای پامانۍ په مراسمو کې د بدني روزنې او سپورت عمومي ریاست تخنیکي او مسلکي مرستیال حافظ احمد جان ځدراڼ، د المپیک ملي کمېټې اجرایوي رییس داد محمد پاینده اختري، د پارالمپیک ملي کمېټې مشرتابه او غړو ګډون کړی وو.
