کابل؛ د هېواد جودو ملي لوبډله د تمريناتي کمپ په موخه ازبکستان هېواد ته روانه شوه
د جودو ملي فدراسيون او د هېواد د بدني روزنې او سپورټ عمومي رياست په همکارۍ د را روانو نړيوالو المپيکي لوبو د لا چمتووالي په موخه د جودو ۱۲ کسيزه ملي لوبډله، چې يو داخلي روزنکی يې ملتيا کوي، د تمريناتي کمپ په موخه ازبکستان هېواد ته روانه شوه.
د يادې لوبډلې د خدای پامانۍ په مراسمو کې د المپيک ملي کمېټې او سپورټ عمومي رييس مولوي احمد الله وثيق، د جودو ملي فدراسيون مسولینو حاجي شاه اغا بابک، رحمت شاه مشکل او اړوند پلاوي ګډون کړی و.
دغه تمريناتي کمپ چې ۲۲ ورځې به دوام وکړي، موخه يې را روانو نړيوالو المپيکي سياليو ته، چې په تاجکستان او ترکيې هېوادونو کې ترسره کېږي، لا بشپړ چمتو والی ښودل شوی دی.
ږ د يادونې وړ ده، چې دا تمريناتي کمپ په داسې حال کې ترسره کېږي، چې يوه نيمه مياشت وروسته به د افغانستان په گډون د شاوخوا ۷۰ هېوادونو ترمنځ د جودو نړيوالې سيالۍ پيل شي.
