کابل؛ د ملي راډیو تلویزیون او د فوټبال فدراسیون د فوټسال کمېټې ترمنځ د همکاري هوکړه لیک لاسلیک شو
د افغانستان د فوټبال فدراسیون اړوند د فوټسال کمېټې او ملي راډیو تلویزیون مسؤولانو ترمنځ د فوټسال د درېیم پړاو سیالیو د ژوندي خپراوي په موخه د دواړو لوریو ترمنځ د همکارۍ هوکړه لیک لاسلیک شو.
په دغه دوه اړخیز هوکړه لیک کې راغلي چې د افغانستان ملي راډیو ټلویزیون به د فوټیال غوره لیګ درېیم پړاو سیالي په ژوندۍ بڼه خپروي.
ټاکل شوې، چې د فوټسال غوره لیګ درېیم پړاو سیالۍ به د المپیک، بدني روزنې او ورزش ریاست په مرسته د فوټبال ملي فدراسیون له لوري د لسو ولایتونو ترمنځ د روانې چنګاښ میاشتې په ۲۵مه نېټه پیل شي او ۳۲ ورځې به دوام وکړي.
