کابل؛ د افغانستان اتلانو لیګ درېیم پړاو سیالیو یوولسمه او دولسمه لوبه د خدیم اف سي په بریا او د جوانان واحدي او عدالت فراه لوبډلو ترمنځ مساوي پای ته ورسېده
د افغانستان اتلانو لیګ سیالیو په دوام کې نن یوولسمه او دولسمه لوبه ترسره شوه، چې خدیم اف سي له میوند اف سي او جوانان واحدي له عدالت فراه لوبډلو سره لوبه ترسره کړه.
د یوولسمې سیالۍ په پایله کې خدیم اف سي لوبډلې میوند اف سي ته د ۲-۰ ګولونو په توپیر ماتې ورکړه او دولسمه لوبه بیا د جوانان واحدي او عدالت فراه لوبډلو ترمنځ د ۱-۱ ګول په ترسره کولو سره مساوي پای ته ورسېده.
د افغانستان اتلانو لیګ درېیم پړاو سیالۍ د بدني روزنې او ورزش لوی ریاست په همغږي د فوټبال فدراسیون له لوري له مرکز او ولایتونو څخه د ۱۲ لوبډلو ترمنځ پیل شوې دي چې ۳۳ ورځې به دوام وکړي.
