کابل؛ اټک انرژي او موج ساحل لوبډلو د اتلانو لیګ نننۍ لوبې وګټلې
د افغانستان اتلانو لیګ فوټبال سیالیو کې چې له لسو ورځو راهیسې په پلازمېنه کابل کې پیل شوي دي؛ نن هم دوه سیالۍ ترسره شوې چې اټک انرژي او موج ساحل لوبډلو پکې بریاوې ترلاسه کړې.
د نن ورځې لومړۍ لوبه کې اټک انرژي لوبډلې د ابو مسلم فراه لوبډلې ته د 4-0 ګولونو په توپیر او دویمه لوبه کې موج ساحل لوبډلې د عینو مېنې لوبډلې ته د 3-0 ګولونو په توپیر ماتې ورکړه.
د افغانستان اتلانو لیګ کې له مرکز او ولایتونو څخه ۱۲ لوبډلو ګډون کړی دی او هره ورځ پکې دوه سیالۍ ترسره کېږي، چې ټولې ۶۶ سیالۍ به یې ۳۳ ورځې دوام وکړي.
