کابل؛ اُم البلاد او بُست لوبډلو د واليبال غوره ليگ درېيم پړاو سياليو پايلوبې ته لار ومونده
د بدني روزنې او سپورټ عمومي رياست اړوند د واليبال ملي فدراسيون له لوري د ياد رياست په ۲۵۰۰ کسيز جمنازيوم کې د اتو لوبډلو ترمنځ د واليبال غوره ليگ درېيم پړاو سيالیو پایلوبې ته ام البلاد او بُست لوبډلو لار وموندله.
ام البلاد لوبډلې خپلې سيالې هندوکش لوبډلې ته د ۱/۳ ميدانونو په توپير او بُست لوبډلې سپین غر هغې ته د صفر/۳ میدانونو په توپیر ماتې ورکړه او وتوانېدل چې پایلوبې ته لار پیدا کړه.
د يادونې وړ ده، چې سبا دوه بجې د ام البلاد او بُست لوبډلو تر منځ د یاد لیګ پایلوبه ترسره شي او د درېیم مقام لپاره به سبا یوولس بجې هندوکش او سپین غر لوبډلې سیالي وکړي.
