ښاروالۍ لوبډلې د غور ولایت د واليبال سياليو اتلولي وگټله
د غور ولایت د بدني روزنې او سپورټ امريت اړوند د واليبال فدراسيون د استازولۍ له لوري د ياد ولايت په مرکز کې د شپږو لوبډلو ترمنځ د ژمني جام په نوم د واليبال سيالۍ د ښاروالۍ لوبډلې په اتلولۍ پای ته ورسېدې.
د يادو سياليو پايلوبه د ښاروالۍ او شاهين کاسي لوبډلو ترمنځ ترسره شوه، چې په پايله کې ښاروالۍ لوبډلې خپلې سيالې لوبډلې ته د ۲/۳ ميدانونو په توپير ماتې ورکړه او اتلولي يې خپله کړه.
د دغو سياليو د ترسره کېدو موخه د واليبال لوبې وده او د غوره لوبغاړو موندل ياد شوي وو، چې دوې اوونۍ يې دوام وکړ او په پای کې د ياد ولايت د ورزشي امريت له لوري گټونکې لوبډلې ته د اتلولۍ جام او غوره لوبغاړو ته مډالونه او ستاینلیکونه ورکړل شول.
