پۀ خوست ولايت کې د غرغښت ټېب بال کرکټ سوپر ليګ سياليو درېيم پړاو پېل شو
د خوست ولايت د بدني روزنې او سپورټ آمريت اړوند، د ټېب بال کرکټ فدراسيون د استازولۍ لۀ لورې، د غرغښت لېسې په لوبغالي کې د ۲۰ لوبډلو تر منځ د غرغښت ټېب بال کرکټ سوپر ليګ درېیم پړاو سيالۍ پېل شوې.
د يادو سياليو لومړۍ لوبه د متون اتفاق او زيارت گل لوبډلو تر منځ ترسره شوه، د لوبې پچه متون اتفاق لوبډلې وگټله او لومړی يې د توپ وهنې پرېکړه وکړه، چې په ټاکلو نهو اورونو کې يې د اتو لوبغاړو په سوځېدو سره سيالې لوبډلې ته د ۱۲۱ منډو کېښود، زيات گل لوبډله د ياد هدف په پوره کېدو کې پاتې راغله او د ۴۰ منډو په توپير متون اتفاق لوبډلې بريا په خپل نوم کړه.
دغه سيالۍ، چې يوه نېمه مياشت به دوام وکړي، موخه يې د ځوانانو ترمنځ تفريح او د نشه يې توکو پر وړاندې مبارزه ياده شوې ده.
