پکتیکا؛ یوسف خېلو ولسوالۍ کې د ۳۰ لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د والیبال فدراسیون د استازولي له ولري د یاد ولایت په یوسف خېلو ولسوالۍ کې د ۳۰ لوبډلو ترمنځ د والیبال سیالۍ د بکخېلو لوبډلې په اتلولي پای ته ورسېدې.
د یادو سیالیو پایلوبه د بکخېلو او غیبي خېلو لوبډلو ترمنځ ترسره شوه، چې په پایله کې یې بکخېلو لوبډلې د دوه پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د سیمې د ځوانانو لپاره د سالمې تفرېح د برابرولو په موخه ترسره شوې، چې لس ورځې یې دوام وکړ.
