پکتیکا؛ یوسف خېلو ولسوالۍ کې د ۲۵ لوبډلو ترمنځ د نیزه وهنې سیالۍ ترسره شوې
د پکتيکا ولايت د بدني روزنې او ورزش امريت اړوند د وزلوبې،نيزه وهنې او ملي او دودیزو لوبو ملي فدراسیون د استازولۍ له لوري ياد ولایت په یوسف خېلو ولسوالي کې د ۲۵ لوبډلو ترمنځ د نيزه وهنې سيالۍ د ظفربابا لوبډلې په اتلولي پای ته ورسېدې.
د دغو سياليو په پايله کې ظفربابا لوبډلې د ۱۲ نمرو په ترلاسه کولو لومړی، خواجه بابا لوبډلي د ۸ نمرو په ترلاسه کولوسره دویم مقام اویوسف خېلو لوبډلې د ۶ نمرو په ترلاسه کولو سره درېیم مقام خپل کړ.
دا سیالۍ ملي او دودیزو لوبو ته د ودې ورکولو په موخه ترسره شوې، چې یوه ورځ یې دوام وکړ.
