پکتیکا؛ ښرنه کې د ۱۲ لوبډلو ترمنځ د ټېپ بال کرکټ سیالۍ پای ته ورسیدې
د پکتیکا ولایت د بدني روزنې او ورزش امريت اړوند د ټېپ بال کرکټ فدراسيون د استازولۍ له لوري د ياد ولايت مرکز ښرنه کې د ۱۲ لوبډلو ترمنځ د ټېپ بال کرکټ سیالۍ د مددخېلو لوبډلې په اتلولۍ پای ته ورسېدې.
د دغو سياليو پايلوبه د مدد خېلو او دوتاڼو لوبډلو ترمنځ ترسره شوه، د مدد خېلو لوبډلې د پچې په ګټلو سره د توپ وهنې پرېکړه وکړه، چې په ټاکلو شپږو اورونو کې د څلورو لوبغاړو په سوځېدو سره مقابلې لوبډلې ته د ۹۵ منډو هدف وټاکه. په ځواب کې د دوتاڼو لوبډلې په ټولو اورونو کې ۸۰ منډې جوړې کړې او د ۱۴ منډو په توپير يې لوبه وبایلله.
د يادو سياليو موخه د ځوانانو ترمنځ يووالی او له نشه یي توکو څخه لېرې والی و، چې دوه ورځې يې دوام وکړ او په پای کې غوره لوبډلې ته يو دانه سېرلی ورکرړل شو.
