پکتیکا؛ ډیله ولسوالۍ کې د ٢١ لوبډلو ترمنځ د ټېپ بال کرکټ سیالۍ د بریالي لوبډلې په اتلولي پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت په ډیله ولسوالۍ کې د ٢١ لوبډلو ترمنځ د ټېپ بال کرکټ سیالۍ د بریالي لوبډلې په اتلولي پای ته ورسېدې.
د یادو سیالیو پایلوبه د بریالي او احمدشاه خپلواک لوبډلو ترمنځ ترسره شوه چې احمدشاه خپلواک لوبډلې لومړی توپوهنه وکړه او په ټاکلو ١٢ اورونو کې یې د شپږو لوبغاړو په له لاسه ورکولو سره خپلې سیالې لوبډلې ته د ١٦٢ منډو هدف وټاکه. بریالي لوبډلې ياد هدف د اووه لوبغاړو په زیان پوره کړ او په درې ویکټو يې د دغو سياليو اتلولي وګټله.
يادې سیالۍ لېرې پرتو سیمو کې د ورزش د ودې په موخه ترسره شوې او په پای کې غوره ورزش کارانو ته چمتو شوې ډالۍ ورکول شوې.
