پکتیکا؛ ډیله ولسوالۍ کې د لسو لوبډلو ترمنځ د ټېپ بال کرکټ سیالۍ پیل شوې
د پکتیکا ولایت د بدني روزنې او ورزش امریت اړوند د ټېپ بال کرکټ فدراسیون د استازولي له لوري د یادولایت په ډیله ولسوالۍ کې د لسو لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د اتلانو او مناري لوبډلو ترمنځ ترسره شوه. اتلانو لوبډلې د لوبې پچه وګټله او لومړی یې د توپ وهنې پرېکړه وکړه، چې په ټاکلو ۱۰ اورونو کې یې د پنځو لوبغاړو په له لاسه ورکولو سره خپلې سیالې لوبډلې ته د ۱۷۵ منډو هدف وټاکه. مناري لوبډلې د هدف په تعقیب کې ۱۳۵ مندې وکړې او لوبه یې د ۲۹ منډو په توپیر وبایلله.
دغه سیالۍ د یادولایت لېرې پرتو سیمو ته د ورزش د رسولو په موخه پیل شوي دي، چې پنځه ورځې به دوام وکړي.
