پکتیکا؛ په مټاخان ولسوالۍ کې د ۱۵ لوبډلو ترمنځ د فوټبال سیالۍ پای ته ورسېدې
د پکتیکا ولایت د بدني روزنې او ورزش امریت اړوند فوټبال فدراسیون د استازولۍ له لوري د مټاخان ولسوالۍ په سیدو کلا کلي کې د ۱۵ لوبډلو ترمنځ د فوټبال سیالۍ د اتحاد اتلانو لوبډلې په اتلولۍ پای ته ورسېدې.
دغه سیالۍ چې ۱۴ ورځې یې دوام وکړ، پایلوبې ته یې اتحاد اتلانو او رزمت اي ایف کاروان لوبډلو لار موندلې وه، چې په پایله کې اتحاد اتلانو لوبډلې خپلې سیالې لوبډلې ته د یو صفر ګول پر توپیر ماتې ورکړه او اتلولي یې خپله کړه.
