پکتیکا؛ په زیړوک ولسوالۍ کې د ۱۸ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت زيړوک ولسوالۍ په ورژاڼه سيمه کې د ۱۸ لوبډلو ترمنځ د والیبال سیالۍ د قاضي ځدراڼ لوبډلي په اتلولۍ پای ته ورسېدې.
د دغو سياليو په پايلوبه کې د قاضي ځدراڼ لوبډلې خپلې سیالې نيک خان لوبډلې ته د ۳/۰ ميدانونو په توپير ماتې ورکړه او اتلولي يې وګټله.
د يادو سياليو موخه په لېرې پرتو سيمو کې ورزش ته وده ورکول وو، چې اته ورځې دوام وکړ.
