پکتیکا؛ په اورګون ولسوالۍ کې د والیبال سیالۍ قاري عبيد لوبډلې په ګټه پای ته ورسېدې
د پکتيکا ولايت د بدني روزنې او ورزش امریت په مرسته د واليبال فدراسيون او ارګون ولسوالۍ د شيخانو ځوانانو له لوري پر مرکز ښرنې او ولسواليو سربېره د غزني ولايت په ګډون د ٢٦ لوبډلو ترمنځ د واليبال سيالۍ د غزني ولايت قاري عبید لوبډلې په اتلولۍ پاى ته ورسېدې.
د دغو سياليو په پايلوبه کې د قاري عبيد لوبډلې د ٣-٠ ميدانونو په توپیر د ارګون ولسوالۍ معلم ناصر لوبډلې ته ماتې ورکړه او د دې سياليو اتلولي يې خپله کړه.
د يادو سياليو موخه ورزش ته د ځوانانو هڅول او له نشه يي توکو څخه د هغوى راګرځول دي.
په پاى د لومړي مقام ګټونکې لوبډلې ته يو عراده موټر سایکل ورکړل شو.
