پکتیکا؛ په ارګون ولسوالۍ کې د ۵۰ لوبډلو ترمنځ د فوټبال سیالۍ پیل شوې
د پکتیکا ولایت په ارګون ولسوالۍ کې د پکتیکا، پکتیا او خوست ولایتونو د ۵۰ لوبډلو ترمنځ د فوټبال سیالۍ پیل شوې.
دغه سیالۍ د ارګون ولسوالۍ د فوټبال کمېټې له لوري د یادې ولسوالۍ د بالیشو لېسې په ورزشي لوبغالي کې پیل شوې او تمه ده چې یوه نیمه میاشت په دوام وکړي.
د دغو سیالیو په لومړۍ لوبه کې طوفان غچ لوبډلې خپلې سیالې ناجوانان قریه جاني (ب) لوبډلې ته د ۱-۰ په مقابل ماتې ورکړه او د یادو سیالیو لومړۍ بریا یې خپله کړه.
باید یادونه وشي چې د دغو سیالیو موخه د ځوانانو ترمنځ د یووالي رامنځ ته کول دي.
