پکتیکا؛ په ارګون ولسوالۍ کې د یووالی په نوم د والیبال سیالۍ د د قلندر ملنګ لوبډلې په بریا پای ته ورسېدې
د پکتیکا ولایت د بدني روزنې او ورزش امریت او ارګون ولسوالۍ د علي خېلو ځوانانو له لوري د ۲۵ لوبډلو ترمنځ، د والیبال پیل شوې سیالۍ د قلندر مومند لوبډلې په اتلولۍ پای ته ورسیدې.
دې سیالیو ۲۰ ورځې دوام وکړ او پای لوبې ته یې د مرکز ښرنې د قلندر ملنګ او شاهین علی خېل لوبډلو لاره پیداکړه، په پایله کې قلندر ملنګ لوبډلې د ۰-۳ میدانونو په توپیر خپلې سیالې لوبډلې ته ماتې ورکړه او د سیالیو اتلولي یې په خپل نوم کړه.
د یادو سیالیو موخه د ځوانانو ترمنځ یووالی رامنځ ته کول وو .
په پای کې د شاهین علي خېل ځوانانو لخوا لومړي مقام ګټونکې لوبډلې ته یو عراده موټر سایکل د ډالۍ په توګه ورکړل شو.
