پکتیکا؛ يوسف خېلو ولسوالۍ کې د ۴۸ ورزشکارانو ترمنځ د لاس چپه کولو سيالۍ وشوې
د پکتيکا ولايت د بدني روزنې او ورزش آمريت اړوند د ملي او دوديزو لوبو مدیریت له لوري د یاد ولايت په يوسف خېلو ولسوالۍ ټايگر کلب کې د ۴۸ ورزشکارانو ترمنځ د لاس چپه کولو شپنۍ سيالۍ وشوې.
دغه سيالۍ، چې ملي او دوديزو لوبو ته د ودې ورکولو او پرمختگ په موخه ترسره شوې، په پايله کې محمد انور لومړی، نصرت الله دويم او عبدالخالق بيا درېيم مقام ترلاسه کړ.
د يادولو وړ ده، چې د دغو سياليو په پای کې غوره ورزشکارانو ته چمتو شوې ډالۍ ورکړل شوې.
