پکتیکا؛ يحيي خيلو ولسوالۍ کې د ۶۰ لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش آمریت له لوري او د جاوید بدري په مالي ملاتړ د یاد ولایت په یحیی خېلو ولسوالۍ کې د ٦٠ لوبډلو ترمنځ د والیبال سیالۍ د غیبي خېلو لوبډلې په اتلولي پای ته ورسېدې.
د یادو سیالیو پایلوبه کې غیبي خېلو لوبډلې د ٣ پر ٢ میدانونو په توپیر خپلې سیالې بکخېلو لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې یوه میاشت یې دوام وکړ.
