پکتیکا؛ هجران لوبډلې د جبارخېلو کلي د ټېپ بال کرکټ سیالیو اتلولي وګتله
د پکتیکا ولایت د ورزش امریت په مرسته د مرکز شرنې اړوند جیارخېلو کلي د ځوانانو له لوري د کرکټ ټېپ بال یو ورځیني سیالۍ چې د نهو لوبډلو ترمنځ پیل شوې وې د هجران لوبډلې په بریا سره پای ته ورسېدې.
د دغو سیالیو پایلوبې ته د هجران جبارخېلو لوبډلو لاروموندله، چې د هجران لوبډلې لومړی توپوهنه وکړه چې په پنځو اورونو کې یې ۸۱ منډې وکړې، په مقابل کې د جبارخېلو لوبډلې ورکړل شوی هدف پوره نه کړ او لوبه یې د ۷ منډو په توپیر بایلوده.
په پای کې د ورزشي مسوولینو له لوري ګټونکې لوبډلې چمتو شوی ډالۍ ورکړل شوې.
