پکتیکا؛ مټاخان ولسوالۍ کې د ۲۴ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت له لوري د یاد ولایت په مټاخان ولسوالۍ کې د ۲۴ لوبډلو ترمنځ د ټېپ بال کرېکټ سیالۍ د مریاڼو ب لوبډلې په اتلولي پای ته ورسېدې.
د یادو سیالیو پایلوبه کې مریاڼو ب لوبډلې له خپل ۱۲۶ منډو هدف څخه دفاع وکړه او د یوې منډې په توپیر یې خپلې سیالې مرجان لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې ۱۳ ورځې یې دوام وکړ.
