پکتیکا؛ مرکز ښرنه کې د ۴۸ لوبډلو ترمنځ د والیبال رمضان جام سیالۍ پای ته ورسېدې
د پکتیکا ولایت د بدني روزنې او ورزش امریت اړوند د والیبال فدراسیون د استازولۍ له لوري او د زیتون هوټله په مالي ملاتړ د یاد ولایت مرکز ښرنه کې د ۴۸ لوبډلو ترمنځ د والیبال رمضان جام سیالۍ د شمشېر لوبډلې په اتلولي پای ته ورسېدې.
د یادو سیالیو پایلوبه د شمشېر او ادم خان ځواک لوبډلو ترمنځ ترسره شوه، چې په پایله کې یې شمشېر لوبډلې د ۳/۲ میدانونو په توپیر خپلې سیالې ادم خان ځواک لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې او په پای کې لومړي مقام لوبډلې ته لس زره او دویم مقام ته پنځه زره افغانۍ ورکړل شوې.
