پکتیکا؛ مرکز ښرنه کې د ۱۶ لوبډلو ترمنځ د فوټبال سیالۍ د جاوید لوبډلې په اتلولۍ پای ته ورسېدې
د پکتیکا ولایت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز ښرنه کې د ۱۶ لوبډلو ترمنځ د فوټبال سیالۍ، چې ۱۰ ورځې مخکې پيل شوې وې، د جاويد لوبډلې په اتلولۍ پای ته ورسېدې.
د دغو سياليو پايلوبه د جاوېد او میوند لوبډلو ترمنځ ترسره شوه، چې لوبه په ټاکلي وخت صفر په صفر مساوي پای ته ورسېده؛ خو په پينالټيو کې جاويد لوبډلې خپلې سیالې ميوند لوبډلې ته د ۴/۳ ګولونو په توپير سره ماتې ورکړه او اتلولي يې وګټله.
د یادو سیالیو موخه د ځوانانو ترمنځ یووالی رامنځته کول و، په پای کې غوره لوبډلې ته يو عراده بايسکل او غوره ورزشکارانو ته چمتو شوې ډالۍ ورکړل شوې.
