پکتیکا؛ مرکز ښرنه کې د ۱۴ لوبډلو ترمنځ د فوټبال سیالۍ پیل شوې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت مرکز ښرنې ښار کې د ۱۴ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د سرې کلا او احمدي کلب لوبډلو ترمنځ ترسره شوه، چې په پایله کې یې لوبه د یو- یو ګول په ترسره کولو سره د دواړو لوبډلو ترمنځ مساوي پای ته ورسېده.
دا سیالۍ د ځوانانو ترمنځ د یووالي د رامنځته کولو په مخه پیل شوي دي، چې لس ورځې به دوام وکړي.
