پکتیکا؛ مرکز ښرنه کې د نهه لوبډلو ترمنځ د نيزه وهنې سيالۍ ترسره شوې
پکتيکا ولايت د بدني روزنې او ورزش امريت اړوند د وزلوبې،نيزه وهنې او سيمه ييزو لوبو ملي فدراسیون د استازولۍ له لوري ياد ولایت په مرکز ښرنه کې د نهو لوبډلو ترمنځ د نيزه وهنې سيالۍ د يوسف خېلو الف لوبډلې په اتلولۍ پای ته ورسېدې.
دغو سياليو په پايله کې يوسف خېلو الف لوبډلې د ۲۸ امتيازونو په ترلاسه کولو سره لومړی،يوسف خېلو ب لوبډلې د ۱۸ امتيازونو په ترلاسه کولو سره دويم او کټواز کلب لوبډلې د ۱۶ امتيازونو په ترلاسه کولو سره درېيم مقام ترلاسه کړ.
د يادو سياليو موخه نيزه وهنې ورزش ته وده ورکول و،چې يوه ورځ يې دوام وکړ او په پای کې لومړي مقام ګټونکې لوبډلې ته يو دانه سېرلی او نورو لوبډلو ته چمتو شوې ډالۍ ورکړل شوې.
