پکتیکا؛ زیړوک ولسوالۍ کې د والیبال اختریزې سیالۍ پیل شوې
د پکتیکا ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت د زیړوک ولسوالۍ اړوند د دورژاڼه کلي په راغئ شګي ورزشي لوبغالي کې د ۱۷ لوبډلو ترمنځ د والیبال اختریزې سیالۍ پیل شوې.
د یادو سیالیو لومړۍ لوبه د رحمان ګل او نورولي لوبډلو ترمنځ ترسره شوه چې په پایله کې رحمان ګل لوبډلې د ۲/۱ میدانونو په توپیر خپلې سیالې لوبډلې ته ماتې ورکړه او د دغو سیالیو لومړۍ بریا یې په خپل نوم کړه.
دیادو سیالیو موخه د ځوانانو لپاره سالمه تفرېح برابرول او ورزش ته د خلکو پام اړول ښودل شوي دي چې ۱۲ ورځې به دوام وکړي.
