پکتیکا؛ د یوسف خېلو ولسوالۍ په دمیست کلي کې دمیست سوپر لیګ کرکټ ټېپ بال سیالۍ د میست کلب په ګټه پای ته ورسېدې
د پکتیکا ولایت د بدني روزنې او ورزش امریت او کرکټ تېپ بال فدراسیون په مرسته په یوسف خېلو ولسوالۍ کې د دمیست اتلانو کلب له لوري دمیست سوپر لیګ کرکټ ټېپ بال سیالۍ، چې د دې ولسوالۍ په دمیست کلي کې د مرکز او ولسواليو د ۲۵ لوبډلو ترمنځ پیل شوې وې د دمیست کلب لوبډلې په ګټه پای ته ورسېدې.
دغو سیالیو چې ۲۰ ورځې یې دوام وکړ په پایلوبه کې دمیست کلب او ملخ کلب لوبډلې سره مخ شوې، د ملخ کلب د لوبې پچه وګټله او لومړی يې توپوهنه وکړه، چې په ټاکلو شپږ اورونو کې یې ۶۷منډې وکړې.
په مقابل کې دمیست کلب لوبډلې ورکړل شوی هدف د لوبې په پنځم اور کې پوره کړ.
د دغو سیالیو موخه د ځوانانو ترمنځ یووالی رامنځته کول او لیري پرتو سیمو ته د ورزش رسول دي.
په پای کې ګټونکې لوبډلې او غوره لوبغاړو ته جایزې هم ورکړل شوې.
