پکتیکا؛ د یارانو لوبډلې د غزني د والیبال ټورنمټ اتلولي خپل کړه
د غزني ولایت اندړو میري سیمه کې د والیبال اختریزې سیالۍ چې اته ویشت لوبډلو په کې برخه لرله پای لوبه د متحد افغان او یاران لوبډلو ترمنځ د ګڼ شمېر ننداره کونکو پر وړاندي ترسره شوه، چې د یاران لوبډلې وکولي شول د دې لوبو اتلولي وګټي او مقابلې لوبډلې ته یې درې په یو ماتې ورکړه په یادو سیالیو کي د پکتیکا ولایت د ورزشي چارو امر ډاکټر محمد عثمان سیرت هم ګډون کړي وو او د لمړی مقام لوبډلې ته یې لس زره افغانۍ د انعام په شکل ورکړې.
.د یادونې وړ ده چې د لوبو په پاې کې د سیالیو جوړونکو لخوا د اول، دوهم، دریم مقام لوبډلو او غوره لوبغاړو ته جایزي ورکړل شوي.
