پکتیکا؛ د مرکز ښرنې والیبال سیالۍ د کمردینانو لوبډلې په بریا پای ته ورسېدې
د پکتیا ولایت د بدني روزنې او ورزش امریت او عمبر خېلو د ځوانانو له لوري د ۲۰ لوبډلو ترمنځ د والیبال سیالۍ، د کمردینانو لوبډلې په بریا پای ته ورسېدې.
دغو سیالیو چې اووه ورځې یې دوام وکړ، پایلوبې ته یې د ښرنې او کمردینانو لوبډلو لار موندلې وه، چې په پایله کې کمردینانو لوبډلې خپلې سیالې لوبډلې ته د ۳-۲ میدانونو په توپیر ماتې ورکړه او اتلولي یې خپله کړه.
هېره دې نه وي چې د دغو سیالیو موخه د ځوانانو ترمنځ د یووالي فضا رامنځته کول او لرې پرتو سیمو ته د ورزش رسول وو.
