پکتیکا؛ برمل ولسوالۍ کې د ١٤ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په برمل ولسوالۍ کې د ١٤ لوبډلو ترمنځ د ټېپ بال کرېکټ سیالۍ د سیفلي مینخیل لوبډلې په اتلولي پای ته ورسېدې.
د یادو سیالیو پایلوبه دسیفلي مینخیل او احمدزي لوبډلو ترمنځ ترسره شوه. د لوبې پچه سیفلي مینخیل لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د اوو ویکټو په زیان خپلې سیالې لوبډلې ته د ١٠٥ منډو هدف وټاکه. احمدزي لوبډلې د هدف په تعقیب کې د نهو ویکټو په زیان ٦٧ منډې وکړې او د ٣٧ منډو په توپیر یې د دغو سیالیو اتلولي وګټله.
دا سیالۍ د ځوانانو ترمنځ د یووالي په موخه ترسره شوې، چې ١۵ ورځې یې دوام وکړ او پای کې اتلې لوبډلې ته یو عراده موټر د ډالۍ په توګه ورکړل شو.
