پکتیکا؛ برمل ولسوالۍ کې د لسو لوبډلو ترمنځ د فوټبال سیالۍ پیل شوې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولي له لوري د یادولایت په برمل ولسوالۍ کې د لسو لوبډلو ترمنځ د برمل لیګ په نوم د فوټبال سیالۍ پیل شوې.
د یادو سیالیو لومړۍ لوبه د پاچاخان کلب او منصوري c لوبډلو ترمنځ ترسره شوه چې په پایله کې یې پاچا خان لوبډلې د ۳ پر یو ګول په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم کړه.
دغه سیالۍ د یاد ولایت لېرې پرتو سیمو ته د ورزش رسولو په موخه پیل شوي دي، چې ۲۴ ورځې به دوام وکړي.
