پکتیکا؛ ارګون ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په ارګون ولسوالۍ کې د ٢٤ لوبډلو ترمنځ د ټېپ بال کرېکټ سیالۍ د رحمت زامه لوبډلې په اتلولي پای ته ورسېدې.
د یادو سیالیو پایلوبه د رحمت ارګوني او رحمت زامه لوبډلو ترمنځ ترسره شوه. د لوبې پچه رحمت ارګوني لوبډلې وګټله او لومړی یې توپ وهنه وکړه، چې په ټاکلو ١٢ اورونو کې یې د شپږو ویکټو په زیان خپلې سیالې لوبډلې ته د ١٦٥ منډو هدف وټاکه. رحمت زامه لوبډلې ټاکلی هدف د څلورو ویکټو په زیان د لوبې په وروستي اور کې ترلاسه کړ او د څلورو ویکټو په توپیر یې د دغو سیالیو اتلولي وګټله.
دا سیالۍ د ځوانانو ترمنځ د یووالي په موخه ترسره شوې، چې ٢٠ ورځې یې دوام وکړ.
