پکتیکا؛ ارګون ولسوالۍ کې د ١٤ لوبډلو ترمنځ د والیبال سیالۍ پیل شوې
د پکتیکا ولایت د بدني روزنې او ورزش امریت اړوند د والیبال فدراسیون د استازولۍ له لوري د ياد ولايت په ارګون ولسوالۍ کې د ١٤ لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د ياران او ځوانانو لوبډلو ترمنځ ترسره شوه، چې په پایله کې یې ياران لوبډلې د ٢/١ میدان په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم کړه.
دا سیالۍ د ځوانانو لپاره د سالمې تفرېح د برابرولو په موخه پیل شوي دي، چې شپږ ورځې به دوام وکړي.
