پکتیا کې د ۵۶ ورزشکارانو ترمنځ د کونګفو سیالۍ وشوې
د پکتیا ولایت د بدني روزنې او ورزش رياست اړوند د کونګفو فدراسیون د استازولۍ له لوري د یاد ولایت په مرکز ګردېز ښار کې د ۵۶ ورزشکارانو ترمنځ د کونګفو دوستانه سیالۍ ترسره شوې.
دغه سيالۍ د نویو ځوانانو، ځوانانو او لويانو په عمري کټګوریو کې تر سره شوې، چې په پايله کې ۲۸ ورزشکارانو خپلو سیالانو ته په ماتې ورکولو سره بریاوې خپلې کړې.
د یادو سیالیو موخه په یاد ولایت کې د کونګفو ورزش ته وده ورکول و، چې یوه ورځ یې دوام وکړ.
