پکتیا کې د ۵۰ ورزشکارانو ترمنځ د موتای سيالۍ وشوې
د پکتیا ولایت د بدني روزنې او ورزش ریاست اړوند د موتای فدراسیون استازولۍ له لوري د مرکز گردېز ښار په ورزشي ستډیوم کې له درېيو ولايتونو د ۵۰ ورزشکارانو ترمنځ د موتای دوستانه سیالۍ وشوې.
په دغو سیالیو کې له لوگر، پکتیکا او کوربه پکتیا ولایتونو څخه د نویو ځوانانو، ځوانانو او لويانو په عمري کټگوریو کې ورزشکارانو د يو بل پر وړاندې د سيالۍ ترسره کړې، چې په پایله کې پکتیکا لومړی، لوگر دویم او پکتیا بيا درېيم مقام خپل کړ.
د يادو سیالیو موخه د راتلونکو سیالیو ته د ورزشکارانو لا ښه چمتوالی وو، چې يوه ورځ يې دوام وکړ.
