پکتیا کې د ۲۴ ورزشکارانو ترمنځ د رزمي لوبو یوني فایټ سبک سيالۍ وشوې
د پکتیا ولايت د بدني روزنې او ورزش رياست اړوند د رزمي لوبو فدراسيون د استازولۍ له لوري د مرکز گردېز ښار په بېدار سلطاني کمپ کې د ۲۴ ورزشکارانو ترمنځ د رزمي لوبو یوني فایټ سبک دوستانه سيالۍ وشوې.
دغه سيالۍ، چې د نويو ځوانانو او ځوانانو په عمري کټگوريو کې ترسره شوې، په پايله کې ۱۲ تنو خپلو سيالانو ته په ماتې ورکولو سره برياوې خپلې کړې.
د يادو سياليو موخه په یاد ولایت کې د رزمي لوبو یوني فایټ سبک ته وده ورکول و، چې يوه ورځ يې دوام وکړ.
