پکتیا کې د ۱۶ لوبډلو ترمنځ د فوټبال سیالۍ پای ته ورسېدې
د پکتیا ولایت د بدني روزنې او ورزش ریاست اړوند د فوټبال فدراسیون د استازولۍ له لوري او د سرې میاشتې په مالي ملاتړ د ياد ولايت په مرکز گردېز کې د ۱۶ لوبډلو ترمنځ د یووالي په نوم د فوټبال سیالۍ د شاهین لوبډلې په اتلولۍ پای ته ورسېدې.
د يادو سیالیو په پایلوبه کې شاهین لوبډلې خپلې سیالې منګل آباد لوبډلې ته د ۲-۰ گولونو په توپیر ماتې ورکړه او اتلولي یې وگټله.
دا سیالۍ ورزش ته د ځوانانو هڅونې او له نشه یي توکو څخه د لرې والي په موخه ترسره شوې، چې ۲۰ ورځې یې دوام وکړ.
