پکتیا؛ ډنډې پټان ولسوالۍ کې د ۱۰۰ ورزشکارانو ترمنځ د سامبو او کورش سيالۍ ترسره شوې
د پکتیا ولايت د المپیک، بدني روزنې او ورزش رياست اړوند د سامبو او کورش فدراسيون د استازولۍ له لوري د ياد ولايت په ډنډې پټان ولسوالۍ مټوارخ سیمه کې د ۱۰۰ ورزشکارانو ترمنځ د کورش او سامبو فدراسیون دوستانه سيالۍ ترسره شوې.
دغه سيالۍ، د نويو ځوانانو، ځوانانو او لويانو په عمري کټګوريو کې ترسره شوې، چې په پايله کې د ۵۰ ورزشکارانو خپلو سيالانو ته په ماتې ورکولو سره برياوې خپلې کړې.
د يادو سياليو موخه په یاد ولایت کې د سامبو او کورش ورزش ته وده ورکول وو، چې يوه ورځ يې دوام وکړ او په پای کې غوره ورزشکارانو ته مډالونه او ستاينليکونه هم ورکړل شول.
