پکتیا؛ په احمد خېلو ولسوالۍ کې د ۹۰ ورزشکارانو ترمنځ د او سپورت سيالۍ ترسره شوې
د پکتیا ولايت د بدني روزنې او ورزش رياست اړوند د رزمي ورزشونو فدراسيون تر چتر لاندې د اوسپورت سبک د استازولۍ له لوري د ياد ولايت په احمد خېلو ولسوالۍ کې د ۹۰ ورزشکارانو ترمنځ د او سپورت سبک دوستانه سيالۍ ترسره شوې.
دغه سيالۍ د نويو ځوانانو، ځوانانو او لويانو په عمري کټګوريو کې ترسره شوې، چې په پايله کې ۴۵ ورزشکارانو خپلو سيالانو ته په ماتې ورکولو سره برياوې خپلې کړې.
هېره دې نه وي ، چې د يادو سياليو موخه راتلونکو ټاکنيزو سیالیو ته د ورزشکارانو چمتووالی ياد شوی او په پای کې غوره ورزشکارانو ته مډالونه او ستاينليکونه ورکړل شول..
