پکتیا؛ مرکز ګردېز کې د ۲۴ لوبډلو ترمنځ د فوټبال B ګروپ سیالۍ پای ته ورسېدې
د پکتیا ولایت د بدني روزنې او ورزش ریاست اړوند د فوتبال فدراسیون د استازولي له لوري د یاد ولایت مرکز ګردېز ښار کې د ۲۴ لوبډلو ترمنځ د فوټبال B سیالۍ د طلوع خورشید لوبډلې په اتلولي پای ته ورسېدې.
د یادو سیالیو پایلوبه د طلوع خورشید B او ابراهیم خېلو B لوبډلو ترمنځ ترسره شوه، چې په پایله کې یې طلوع خورشید لوبډلې د ۳ پر ۲ ګولونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه او دواړو لوبدلو د A ګروپ لوبډلو کز د شمولیت امتیازونه ترلاسه کړل.
یادې سیالۍ چې ۲۰ ورځې یې دوام وکړ په پای کې اتلې لوبډلې ته د اتلولي کپ ورکړل شو.
