پکتیا؛ مرکز ګردېز کې د ١٨ ورزش کارانو ترمنځ د سوک وهنې ټاکنیزې سیالۍ ترسره شوې
د پکتيا ولايت د بدني روزنې او ورزش ریاست اړوند د سوک وهنې فدراسیون د استازولي له لوري د ياد ولايت مرکز ګردېز ښار کې د ١٨ ورزش کارانو ترمنځ د سوک وهنې ټاکنیزې سیالۍ ترسره شوې.
دغه سيالۍ د نویو ځوانانو، ځوانانو او مشرانو ورزش کارانو په عمري کټګوریو کې ترسره شوې، چې په پایله کې یې ٩ تنه د ياد ولايت د سوک وهنې ټاکنیزې لوبډلې ته وټاکل شول.
دا سیالۍ د پکتيا ولايت د سوک وهنې ولایتي لوبډلې ته د غوره لوبغاړو د موندلو په موخه ترسره شوې چې یوه ورځ یې دوام وکړ.
