پکتیا؛ مرکز ګردېز ښار کې د ۳۰ ورزشکارانو ترمنځ د اوسپورت سبک سيالۍ ترسره شوې
د پکتیا ولايت د بدني روزنې او ورزش رياست اړوند د رزمي ورزشونو فدراسيون د استازولۍ له لوري د ياد ولايت مرکز ګردېز ښار کې د ۳۰ ورزشکارانو ترمنځ د اوسپورت سبک دوستانه سيالۍ ترسره شوې.
دغه سيالۍ د نويو ځوانانو، ځوانانو او لويانو ورزشکارانو په عمري کټګوريو کې ترسره شوې، چې په پايله کې یې ۱۵ ورزشکارانو خپلو سيالانو ته په ماتې ورکولو سره برياوې خپلې کړې.
دا سیالۍ د راتلونکو ټاکنیزو سیالیو لپاره د ورزشکارانو د چمتو والي په موخه ترسره شوې، چې يوه ورځ يې دوام وکړ او په پای کې غوره ورزشکارانو ته مډالونه او ستاينليکونه ورکړل شول.
