پکتیا؛ مرکز ګردېز ښار کې د ۲۰ لوبډلو ترمنځ د رمضان جام په نوم د فوټبال سیالۍ پیل شوې
د پکتیا ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت مرکز ګردېز ښار اړوند د چوڼۍ په سيمه کې د ۲۰ لوبډلو ترمنځ رمضان جام په نوم د فوټبال دوستانه سيالۍ د اتفاق لوبډلې په بريا سره پيل شوې.
د دغو سياليو په لومړۍ لوبه کې اتفاق لوبډلې خپلې سیالې اباسين لوبډلې ته د ۲/۱ ګولونو په توپير ماتې ورکړه او لومړۍ بريا يې ترلاسه کړه.
يادې سيالۍ، ورزش ته د ځوانانو هڅولو او له نشه يې توکو څخه د مخنیوي په موخه پيل شوې دي، چې ۱۸ ورځې به دوام ولري.
