پکتيکا؛ په مرکز ښرنه کې د ۱۴ لوبډلو ترمنځ د فوټبال سيالۍ پای ته ورسېدې
د پکتيکا ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په مرکز ښرنه کې د ۱۴ لوبډلو ترمنځ د ځوانانو يووالي په موخه د فوټبال سيالۍ، د جاويد لوبډلې په اتلولۍ پای ته ورسېدې.
دغه سيالۍ چې لس ورځې يې دوام وکړ، پايلوبه يې د جاويد او روشن کلب لوبډلو ترمنځ ترسره شوه، چې په پايله کې جاويد لوبډلې خپلې سيالې لوبډلې ته د ۲ پر ۱ گولونو په توپير ماتې ورکړه او اتلولي يې په خپل نوم کړه.
