پکتيکا؛ په خوشامند ولسوالۍ کې د ۲۲ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني رړونې او ورزش امريت اړوند د واليبال فدراسيون د استازولۍ له لوري د ياد ولايت په خوشامند ولسوالۍ کې د ۲۲ لوبډلو ترمنځ په ليرې پرتو سيمو کې ورزش ته د ودې ورکولو په موخه د واليبال سيالۍ د بکخېل لوبډلې په اتلولۍ پای ته ورسېدې.
دغه سیالۍ چې لس ورځې يې دوام وکړ، په پايلوبه کې بکخېل لوبډلې خپلې سيالې مامورخېل لوبډلې ته د ۲ پر ۱ ميدانونو په توپير ماتې ورکړه او اتلولي يې په خپل نوم کړه.
