پکتيکا؛ په ارگون ولسوالۍ کې د ۲۰ لوبډلو ترمنځ د فوټبال سيالۍ پای ته ورسېدې
د پکتيکا ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په ارگون ولسوالۍ کې د ۲۰ لوبډلو ترمنځ د ځوانانو يووالي په موخه د فوټبال سيالۍ د سوپر افغان لوبډلې په اتلولۍ پای ته ورسېدې.
دغه سیالۍ چې دوې مياشتې يې دوام وکړ، پايلوبه يې د سوپر افغان او خاندار يوولس ستورو لوبډلو ترمنځ ترسره شوه، چې په ټاکلي وخت سيالۍ ۱/۱ مساوي پای ته ورسیده، خو په پنالټيانو کې سوپر افغان لوبډلې خپلې سيالې لوبډلې ته د ۴ پر ۲ گولونو په توپير ماتې ورکړه او اتلولي يې په خپل نوم کړه.
